大榮華圍村菜 (已結業)

太耐冇飲茶， 此終係老餅， 心思思想食點心。今日好早就出門口， 11點就捕住大榮華開門。 疫情下大家都減少左外出，所以都好少客人。2個人叫左6個點心， 真係飽住個肚走。係咪好食，就應該唔係， 但真係用料好足， 而且味道都岩岩好。蝦春卷：脆口， 大粒蝦仁， 配埋喼汁真係一流。豬潤燒賣：大大塊豬潤，下面肉球有蝦仁， 味道唔錯。排骨：好多脆骨肉排， 豉汁入味。芫荽蝦餃：份量10足， 蝦仁彈牙。蝦仁腸粉：粉醬都唔算薄，又係大大隻蝦仁。魷魚肉餅飯： 冇諗到有半隻咸蛋， 配飯好正。 肉又香又滑， 里面有馬蹄，口感爽口。