老馮茶居 (大棠路)

成日經過老馮茶居都覺得佢入邊裝修好靚，今次就同屋企人一齊去試吓，飲杯茶食個包😍一推門入去，已經覺得好似去返以前嘅老香港。跌打館、公屋走廊、雜貨鋪等等呢啲場景。佢都有復刻出嚟。淨係裝修都好值得去啦。🌟老馮流沙芋泥包（$20）奶黃流沙包就食得多啦，芋泥你又食過未呢？佢嘅芋泥好香，而且做得好流心。一搣開，已經有爆漿嘅效果。而且佢嘅芋頭呢好香，所以呢芋泥控一定要試吓。🌟蜜汁叉燒腸（$26）佢嘅叉燒腸嘅叉燒肥瘦好均勻嘅，而且呢腸粉皮做得好薄身啦，所以加埋甜豉油一齊食，真係Perfect。🌟薑汁桂圓紅棗糕（$23）唔知大家飲茶，有冇發覺越來越少茶樓做紅棗糕，可能因為佢手工好複雜，今次喺老馮再撞見一定要試吓。我自己呢就幾鍾意佢嘅薑汁味嘅，薑味出道之餘，但係又唔會太搶。之後再食到紅棗嘅甜味。👍🌟老馮鮮蝦餃（$36）飲茶又點會少得蝦餃呢？佢嘅蝦餃個皮都做得幾薄嘅，蝦肉都足料。會食到有一隻新鮮蝦喺入邊。都幾爽口㗎。