廚十三老壇酸菜魚 (譽發廣場) (已結業)

媽咪一直都好鍾意食辣嘢，見佢生日我哋就一家人嚟咗呢間喺油麻地嘅酸菜魚餐廳度食生日飯🎂💕我哋一家人食叫咗好多嘢，我就介紹其中幾樣我覺得最鍾意食嘅嘢食同大家分享吓啦。老壇酸菜魚有極多酸菜，啱晒我，因為我勁鍾意食，不過佢除咗酸菜多啲魚魚肉都一樣咁多，食落都好滑，佢個酸辣到啱啱好，非常之開胃。十三涼粉本身睇成碟咁紅，以為佢係油冧冧，但其實食落一啲都唔會，辣味好濃郁，涼粉口感有啲似粉皮都係好滑嫩。麻辣砵砵雞有齊晒我想食嘅嘢，本身佢入面一共就有七種嘢食: 牛展，牛肚，牛脷，鵪鶉蛋，萵筍片，土豆片，雞腳。我最鍾意食鵪鶉蛋細細粒，補充蛋白質。跟住土豆片都超級辣味，好爽！碧綠脆筍薄薄一片，食落好爽脆，呢款相對冇咁辣比較溫和啲。