民華魚蛋粉麵

營業中

休息中

星期日放假瞓到日上三竿 起身都想食番個早餐 於是就去到大埔文華餐廳度食常餐 配搭同樣係茶餐廳早餐午餐時間黎到非常爆滿 坐得比較擠迫 需要等位 不過都係五至十分鐘就可以入座常餐包括火腿炒蛋 牛油多士 同埋薑絲牛肉通粉炒蛋十分嫩滑 而且蛋香十足 咁出色真係坊間少有 配上 勁多牛油嘅烘多士超正 仲可以加兩蚊加鍊奶添薑絲牛肉通粉 牛肉食落冇鬆肉粉味 而且真係有牛肉香味 加左薑絲感覺更加清淡同健康茶餐廳點可以唔食西多士 西多士外面畀滿滿嘅蛋漿包裹住 食落同樣蛋香十足 上面加上成寸厚嘅鮮牛油 勁邪惡 食落鬆軟香甜