萬豚屋

營業中

休息中

萬豚屋算係我同身邊人最成日食嘅尖沙咀餐廳之一，雖然每次黎都要排隊，而且坐嘅位置都有啲迫，但係每隔一段時間就會心思思想食番次架喇哈哈！每次黎都必點厚切豚肉x香菌濃湯x稻庭烏冬！！香菌濃湯其實係豬骨湯底，一上枱熱辣辣嘅湯卜碌卜碌咁跳動，加埋啲菇類，沙律菜苗，粟米同流心蛋都吸晒啲湯~ 熱辣辣好好味！稻庭烏冬因為係比較手打烏冬更加扁同幼，所以係另上，咁就唔使怕會浸淋晒喇。醬油豬軟骨x黑蒜油豬骨湯x稻庭烏冬 係另一個推介。豬軟骨好入味，數量唔少都有4大舊，啲肉一咬就開好淋好好味。黑蒜油豬骨湯唔會好油，但係有一股蒜油嘅香味，同香菌濃湯比較之下，黑蒜湯更加香。燒鰻魚串係第一次食，因為口痕嘅關係好想食啲小食哈哈！兩串嘅鰻魚都有烤過，個底仲脆脆地添！肉都算厚身無泥味，加埋鰻魚汁甜甜地都幾不錯。不過記得上枱就即刻食喇，放耐左凍左就容易會有腥味喇。