樓下冰室 (已結業)

路德圍多嘢食就係人都知，周街都係冰室就係人都見。朋友話尼間冰室出名番茄湯底同瑞士汁，今日行過，就入去試下啦！一坐低就叫左特色番茄濃湯米線配牛乳炒蛋再配招牌瑞士雞髀。然後再叫個金牌咖哩牛腩飯。尼到冰室當然要飲冰啦，就叫埋忌廉紅豆冰。食物好快就送到，好豐富呀！特色番茄濃湯果然名不虛傳！番茄味濃郁得尼又唔會太覇道，唔會令其他食材都俾佢搶哂味。而且有粒粒茄肉，好足料！加$8加咗牛肉，牛肉肉質嫩滑，唔錯。牛乳炒蛋亦都好好味，如果份量多啲就正喇！金牌咖哩牛腩飯嘅咖哩味香而不太辣，怕辣嘅人都食到。牛腩份量都幾多，肉質同味道都係水準之上，配埋咖哩汁，送飯一流！尼到重點: 瑞士雞髀！瑞士汁甜甜地，好惹味，令人食指大動！雞髀肉質細嫩，而且好厚肉，好滿足呀！唔單只食炸雞要食雞皮，食尼隻瑞士雞髀更加要食哂啲雞皮，因為沾滿哂好味嘅瑞士汁呀！忌廉紅豆冰就不過不失啦。抵讚嘅係紅豆粒粒分明，而且唔會過甜。不過紅豆冰嘅奶就唔夠多同唔夠滑喇，扣左少少分。