BUSAN NIGHT

營業中

休息中

朋友帶我嚟嘅韓國餐廳，如果大家想感受吓喺韓國餐廳食嘢嘅感覺，就非常建議大家嚟呢一間。因為入邊大部份嘅店員都係韓國人，而且有韓國OPPA。我去嗰陣有個都幾靚仔。 附近入嚟食嘢嘅人亦都有唔少外國人同埋韓國人，令到成個氣氛更加似喺韓國食飯。我當日upload咗自己story，即刻有幾個friend問我哋去咗韓國咩？聽講佢依度仲有韓國卡拉OK。有興趣可以試吓。今次就叫咗幾樣嘢，分別試咗佢嘅泡菜同埋關東煮，另外嗌咗幾支燒酒。泡菜都係不過不失啦，到到都差唔多味。至於依個關東煮我就覺得幾好食。主要係佢個汁我係好鍾意，除咗個汁好之外，佢關東煮串上邊嘅嘢食都好入味。