一本‧串里 (已結業)

呢一間餐廳我一直都以為只係有串燒食，點不知阿妹食完返嚟讚不絕口話原來有刺身食㗎 ！所以我今日就約咗佢落去一齊食返夠本❤️今次食咗佢哋嘅招牌菜，雜錦魚生丼同什錦壽司，真係好正啊！雜錦魚生丼入面有油甘魚、吞拿魚、魷魚、三文魚、蟹柳、甜蝦同埋玉子，食落好鮮味，配上啲醬汁更加滋味十足！ദ്ദി^._.^)另外，我阿妹就叫咗什錦壽司，總共有8️⃣件，入面有三文魚、吞拿魚、無頭甜蝦、北寄貝、鱲魚、鮮帶子同埋2件加州卷，令到味蕾好滿足，而烏冬都煮得剛剛好，仲有啲口感，真係好正！值得一試！我同妹妹話下次要再黎！