影片
更多
2010-06-13
102 瀏覽
睇左樓上兩位朋友o既意見後，我都想分享我o既凍蟹經驗比大家。我都係一個都幾鐘意食凍蟹O既人，係朋友介紹之下，舊年過節果陣係新光潮州菜館買左隻潮州凍蟹返屋企過節做食送，隻蟹兩斤左右大約1300-1400蚊左右，7個大人再加1個細路食都幾夠下。印象中新光O既凍蟹味道雖然比較濃，但係肉質仍然可以帶出蟹O既鮮甜味道，唔會話比上湯O既味道覆蓋哂，而且肉O既口感都算爽口唔會話梅梅地。果餐我地對隻蟹都幾滿意下，不過可能味道真係見人見智，爸爸覺得隻蟹味道濃左D同埋”鮮”喎 (可能佢年紀大中意食D味道淡D o既野)。潮州凍蟹o既賣點係肥美鮮甜，可能有朋友會覺得味道會重d，所以朋友仔不妨可以試下上海醉蟹，上海醉蟹因為有酒o既味道，食起黎比較香，而且我仲覺得味道冇潮州凍蟹咁濃！我o既經驗唔係為左要否認樓上兩位對新光o既意見，因為我相信人有失手o既時候，而餐廳都係由人經營o既，不過價錢方面，本人覺得算係合理，以前同朋友傾開無聊野，得知其實凍蟹來貨價要成300-400蚊一斤架，真係唔講都唔知咁貴，出面食野，燈油火蠟+人工+店租+利潤，往往賣o既價錢會係成本o既兩倍甚至係三倍架。所以我有時都會自己係屋企整凍蟹架2
果餐我地對隻蟹都幾滿意下，不過可能味道真係見人見智，爸爸覺得隻蟹味道濃左D同埋”鮮”喎 (可能佢年紀大中意食D味道淡D o既野)。潮州凍蟹o既賣點係肥美鮮甜，可能有朋友會覺得味道會重d，所以朋友仔不妨可以試下上海醉蟹，上海醉蟹因為有酒o既味道，食起黎比較香，而且我仲覺得味道冇潮州凍蟹咁濃！
我o既經驗唔係為左要否認樓上兩位對新光o既意見，因為我相信人有失手o既時候，而餐廳都係由人經營o既，不過價錢方面，本人覺得算係合理，以前同朋友傾開無聊野，得知其實凍蟹來貨價要成300-400蚊一斤架，真係唔講都唔知咁貴，出面食野，燈油火蠟+人工+店租+利潤，往往賣o既價錢會係成本o既兩倍甚至係三倍架。所以我有時都會自己係屋企整凍蟹架200蚊一隻細細地同老公食，不過味道冇保證哈哈!!
新光對我黎講係一間好食o既餐廳，相信有人會覺得新光比較貴，但係我覺得係新光可以貴有貴食(e.g 凍蟹咁)，平有平食 (e.g. 糖醋麵)，而且佢地d菜色係落足料，所以都覺得值得食架。Anyway，呢個端午節都諗過再去新光買凍蟹外賣做食送，因為已經比屋企提左兩次啦，又要出血 最後預祝大家端午節快樂及食得開心啦！
張貼