影片
更多
2010-01-28
12 瀏覽
某次同香蕉兒食開野講起，發現原來大家都知道呢間和光，而且大家都想去食，就決定約埋一齊去啦。之前有一次已經想黎，但我地前一日先訂位，人地一早已經爆哂，仲話要等到成個幾星期先有位。之後決定再約啦，今次早兩星期訂位，原本又話無，點知又有喎，幸運地我地係LAST兩個。我地準時黎到，唔知點解佢已經即刻俾我地入去。兩個人送兩隻大蝦同一個沙律，沙律無特別。蝦算新鮮，而且都有蝦膏，肉質唔算好爽但都OK架啦。之後梗係叫主菜啦，食物選擇都OK多款架啦，一樣食物通常有幾種SAUCE揀。牛肉絕對係主角，真係唔係講笑，我地兩個人叫左唔知有無廿碟牛呢，分別叫左唔同既部位。佢係唔係 A X 和牛我就真係唔知，不過就真係好食，D紋好靚，肥瘦均勻。最推介係牛胸腹，真係好食，好有肉味，燒到5成熟真係入口即溶! 去到最尾其實我已經係咩都覺得好寡，但依然覺得呢個好食，係有一種好甜美既感覺。牛舌都OK，推介有蔥個隻，又係入口即溶，連蔥食好香口，佢有另一隻味，不過好細塊。其餘如牛柳粒牛肋骨都OK，可以一食!不過辣味牛肉就麻麻，因為真係幾辣，同埋唔係好食到牛肉本身既味道。之後豬同雞都有好多唔同選擇，我地無咩食雞，豬頸肉係最好食的，
我地準時黎到，唔知點解佢已經即刻俾我地入去。兩個人送兩隻大蝦同一個沙律，沙律無特別。蝦算新鮮，而且都有蝦膏，肉質唔算好爽但都OK架啦。之後梗係叫主菜啦，食物選擇都OK多款架啦，一樣食物通常有幾種SAUCE揀。
牛肉絕對係主角，真係唔係講笑，我地兩個人叫左唔知有無廿碟牛呢，分別叫左唔同既部位。佢係唔係 A X 和牛我就真係唔知，不過就真係好食，D紋好靚，肥瘦均勻。最推介係牛胸腹，真係好食，好有肉味，燒到5成熟真係入口即溶! 去到最尾其實我已經係咩都覺得好寡，但依然覺得呢個好食，係有一種好甜美既感覺。牛舌都OK，推介有蔥個隻，又係入口即溶，連蔥食好香口，佢有另一隻味，不過好細塊。其餘如牛柳粒牛肋骨都OK，可以一食!不過辣味牛肉就麻麻，因為真係幾辣，同埋唔係好食到牛肉本身既味道。
之後豬同雞都有好多唔同選擇，我地無咩食雞，豬頸肉係最好食的，反而黑豚肉麻麻，無咩特別。另外羊扒又係一般，無咩味，都唔似食緊羊咁。海鮮推介帶子，好大隻同鮮味，蝦都OK，又係有蝦膏，不過唔算好新鮮。食咁多肉都要食下菜，冬菇雞脾菇同埋茄子都係好選擇! 會有好清新既感覺。
佢都有D沙律前菜，凍豆腐幾好食! 好冰涼同清新，都有炒飯個D，不過我地就無食，淨係食肉都夠哂! 我地食到最尾真係係到諗咁食法，到底我地會唔會心臟病發架？
服務普通，無咩特別，定時會添水，但個D姐姐成日行過黎望下我地，係咪驚我地食唔哂呢？當然建議大家都唔好眼闊肚窄浪費食物啦，佢大概早 30 分鐘會話LAST ORDER，大家可以就住叫。
不過真係強烈推介俾食肉獸! 喜歡燒肉都唔好錯過! $178一個人，我地仲好LUCKY咁有$50優惠，今晚係香蕉兒做東請食飯，下一晚就輪到我啦! 要食既朋友好快D BOOK位啦。
張貼
