博洛尼亞 (已結業)

放假又食TEA，好掛住博洛尼亞既麵包，而家得番一間分店，所以尊程走到去沙田。好彩餐廳夠大，坐得滿滿都仲有位。由於一起身未食野，好肚餓，決定叫個飽肚啲既意粉，白汁三文魚雜菌意粉，肯定唔會衰得去邊啦(我估）。再加＄38配埋湯，麵包，飲品，為左個麵包，唔係唔加呀麻？個紅湯唔好講喇，酸都核爆，仲要唔熱，外國人係飲凍湯？SORRY我呢啲香港人真係飲唔慣。 麵包係抵讚既，外皮香脆，內層鬆軟，加埋牛油，嘩！食完直情唔想再食其他野蓋左個味。野飲叫左Mango Yakult, 賣相幾靚，酸酸甜甜，夏天好岩飲，岩晒我呢種陽光少女白汁三文魚雜菌意粉，料足夠多汁，撈埋見到每條意粉都可以沾到白汁，因為我就最唔鍾意見到啲意粉乾憎憎，點食啫。聞落去係好香三文魚味，但問題係...咸到叫喎，唔通係我熱氣食野特別咸？唔係囉，my gf都話真係好咸...我估係因為用啲奄左既煙三文魚煮再放埋鹽令成件事好咸，希望廚師們上菜前都自己試下味覺啦，如果唔係客人會腎虧架