泰廳 (已搬遷) 新店位置

香茅豬扒飯嘅豬扒肉質夠腍、有啲乾身、不過啖啖瘦肉、啲汁又幾惹味同埋有微辣，應該有用胡椒之類嘅嘢醃過肉，但係完全無豬肉味(我就超中意佢無嘅)，整體來講都係OK啲，送飯超讚!椰汁涼粉冰啲椰汁好香，但係啲涼粉啲涼粉草味唔夠，又唔夠煙韌，質感似啫喱，好唔好就見仁見智啦。不過，呢杯嘢原本20幾蚊，配餐只需加6蚊，都算唔錯架啦。香葉肉碎煎蛋燴飯(中辣)嘅豬肉味唔算好強、唔係太辣、陣香味超強同埋完全唔覺得淡，真係送幾碗飯都得；賣相都幾吸引嘅，有好多種顏色。千層糕好煙韌，唔算甜，但覺得有啲鹹味，件糕食完飯食都得。整體來講，成餐飯都好ok架啦。