摩登士丹里 (已結業)

呢間台式飲品多種類到令我眼花撩亂，不論係芋圓、珍珠、仙草、紫薯、小丸子，都應有盡有，我就好似有選擇困難症咁，掙扎左好幾分鐘，既然係咁我何不揀一個大雜燴呢😂最後我揀咗一個叫我最喜愛芋圓，材料又真係幾豐富，有芋圓、珍珠、仙草、紫薯、小丸子、花奶，紅豆沙。芋圓紫薯特別用另一個盒載，待食用時先撈下糖水，花奶都係另外盛載，十分貼心。三色芋圓係蕃薯、紫薯、芋頭味，芋圓、珍珠跟小丸子都好煙韌，好入味，仙草滑溜溜的質感也不會過淡，加上紅豆蓉跟紅豆，整個配搭有咁豐富既材料絕不會有違和感，兩個字：美味！朋友想飲凍飲，佢揀咗一杯小芋圓珍珠奶烏龍，份量好多，小芋圓同珍珠差不多佔咗杯嘅三份一，小芋圓可以好似珍珠咁，用大飲管吸就食到啦，珍珠好煙韌，小芋圓再配上奶烏龍很美味，雖然我冇指定甜度，但飲落都沒有過甜，奶味好重茶味夠香，下次經過都必定會飲一杯。