喜茶 (已結業)

喜茶，一間網紅飲品店，喜茶過百間分店遍佈深圳、上海、廣州、中山等地。深圳喜茶曾經掀起一陣排隊熱潮，買一杯飲品需排隊三、四個小時。我等到熱潮慢慢減退既時候，就嘗試左人生第一杯喜茶，從此之後我就愛上了💖作為一個喜茶迷🥰之前一直已經為左喜茶而成日上深圳，見到喜茶越出越多款式，除咗麵包之外最想試嘅就係雪糕🍦然後，見到宣傳話香港開分店，真係好開心😂沙田依間仲有雪糕食，因為怕要好似深圳咁等好耐，所以我等到佢開舖之後一兩個月我先去試，意外地價錢唔算好貴。右手邊嗰杯係芝士綠研，深圳$17人民幣，香港$28，人民幣對返港幣來講其實價錢都差唔多，令我驚喜嘅係深圳呢一杯係好清甜，香港水準竟然都拍得住，同喺深圳簡直飲嘅一樣❤️❤️第一次試喜茶嘅雪糕，我就叫咗好多人都叫嘅波波雪糕，除咗雪糕有茶味之外珍珠都好重黑糖味，十分驚喜十分推介❤️❤️我等左一個月去試人潮唔算好多，雖然都係分咗兩邊排隊，但都係因為喜茶門口細，怕阻塞道路先分兩邊，要喺扶手電梯隔離排先去到喜茶到排，但係一去到喜茶門口到排就好快，3至4分鐘就叫得野飲。