九記海鮮小廚

營業中

休息中

同朋友到土瓜灣，沿路行的食肆都唔係幾旺，唯獨經過九記就要等位，所以就入左黎食喇。由於生意好，所以2人需要坐大枱及搭枱。我地好快就決定食咩，但樓面姐姐卻好有性格，兩次拒絕幫我地落單，原因是廚房得一個師傅，咁趕落單都唔會快左過左一陣，佢招呼左其他客人就回來幫我地入單。我地叫左：1. 豉汁蒸鱔：鱔好新鮮，彈牙。下次應該要加到中size😂😂2. 椒鹽九肚魚拼鮮魷：九肚魚嫩滑，鮮魷厚身。但懷疑師傅唔記得落椒鹽兜🤔🤔因味道比較淡。3. 豉椒炒蜆：蜆肉無沙，都幾新鮮4. 酥炸大腸：非常邪惡的一味，但師傅炸得好透，大腸沒有一點肥膩感，仲好脆口。拼埋腰果，用黎送啤酒一流。5. 羌葱田雞煲：全晚最唔滿意的一味，因為田雞太咸，加上是最後一個餸，當時已經飽飽地。🤭回到家中，沒有感到有味精帶來的不適，所以估計餸菜都沒放過量調味。下次會再來試其他菜式。