上海綠楊邨酒家 (已結業)

因為大家姐生日個晚我去左台灣，所以為補祝家姐生日，琴日去左世貿中心好出名既上海綠楊邨酒家食午飯。平時都比較少食中餐，因為中菜份量偏大，但上海菜館食物份量較少，所以就決定試下這間酒家。 雖然家姐話不想我花錢，但平時真係好難得可以一齊食飯，家姐要忙住揍細路，而我又要忙拍拖所以我堅持話絕對唔可以求其食一餐就算。這間酒家的空間很濶落 (最鐘意可以舒舒服服，坐耐d，啱晒我呢個懶人) ，而地方都好乾淨，最怕去一些殘殘舊舊的中式酒家。 酒家服務亦很細心 ，我沒有 special request 要坐海景位，待應也讓我們享用。 前幾日係好友k 的 blog入面推介這間酒家的丁香雞好好味，一定要試，如果唔好食，要佢請番我食一餐先! 除了丁香雞之外，我還點了一客小籠包及獅子頭，而最後家姐點了一碗揚州麵順及火腿津白。 小籠包－層皮略厚，但味道不錯，而且夠熱，好夠飽啊! 獅子頭－個湯好好入味，比其獅子頭更出色 綠楊丁香雞－果然係招牌菜式，雞肉好新鮮　，雖然係凍白切雞但有配鹽焗汁，好好味，部長仲話下次黎可以試埋脆皮雞及醉雞 揚州麵順－超濃魚底　，好難得我同家姐係出面d酒家連湯都飲埋，應該沒有落味精!! 火腿