狂野麻神麻辣火鍋 (已結業)

呢幾日又打邊爐癮起，太耐冇打邊爐啦，即刻搵下呢排邊間多人推介，見到好多人話呢間狂野麻神麻辣火鍋幾正，望一望個價錢又幾平，就去左呢間到食。哇！佢地個牛肉盛好豐富呀，又有牛頸脊、牛小排 、牛胸爽、牛根膜同一口牛。一口牛最正，因為鮮嫩部位切割成方塊，油脂分佈平均，味道爽口嫩滑肉汁喺口內爆發😋海鮮盛合全部都好新鮮，鮮甜又好味！墨魚餅啖啖墨魚鮮味，口感爽滑。水晶寬粉口感滑爽，連同麻辣嘅滋味湯底，再配上滑嫩口感嘅果凍鴨血，三樣嘢一齊食真係令人無法抗拒🥰