我愛伊斯坦堡 (已搬遷) 新店位置

朋友介紹唻買土耳其軟糖，超好彩！店主話早幾日先番貨，之前幾個月都冇得買。因為香港春天太潮濕，好難存放土耳其軟糖，店主怕影響質素，寧願唔賣！好有要求！之前去土耳其旅行食過之後，好想再食，但一直搵唔到。呢度當然冇當地咁多款式，不過都有唔少選擇！有薄荷、開心果、石榴、玫瑰、水果味等等，最愛薄荷味！我每樣都買d ，一份自己食，一份送比女友，重溫甜到漏又煙煙 un un嘅愛情味道！雖然店主話佢地嘅糖已經係減甜特製，但都仲係幾甜吓，因為係佢地嘅特色！一邊食一邊嘆紅茶、土耳其咖啡，中和番就最好味！我都嘆番杯土耳其咖啡先走，好濃郁，杰杰地身的，煮咖啡時就要決定落唔落糖一齊煮，我選擇唔要糖，用唻伴軟糖飲。香濃！