影片
更多
2016-08-08
4382 瀏覽
我的第一篇食評-獻給mana! 🙂在中環工作數年，近兩年注重健康，精製、加工食品可免則免，每餐盡量有菜、蛋白質同澱粉質。我可算是食均中環「畢畢」沙律，舊式生菜、什果、薯仔其實已經過時，現時高人氣沙律往往係已經用天然香料調味（非沙律醬、蛋黃醬、千島醬），mana就算不是首間但已經出哂名，連旅遊書都有介紹。幾乎每日lunch都係食salad, mana裝修特別，有原木打造天然原始風味，正正係豚王對面。先講沙律，細-$78 大-$130細其實唔細，建議一人食既話一定買細，有5款指定已調味沙律選，可揀哂5款or淨一款，如果要食非指定食物就要加錢，$12-$15不等，其實5款指定沙律都好味，現時有kale（羽衣甘藍）, green beans（長邊豆）, chickpea, quinoa（藜麥）同buckwheat,有菜有菜，有蛋白質有蛋白質（chickpea), 仲有好飽肚既藜麥，buckwheat 係一種好有營養，低脂高纖豆類，但香港仲未普及，好多人聞所未聞，呢個就係mana受歡迎之處，非坊間沙律店學到既，提供最新，最健康又難搵既食物，總之就係自己好難整啦。如果第一次食mana沙律，我強烈建
在中環工作數年，近兩年注重健康，精製、加工食品可免則免，每餐盡量有菜、蛋白質同澱粉質。
我可算是食均中環「畢畢」沙律，舊式生菜、什果、薯仔其實已經過時，現時高人氣沙律往往係已經用天然香料調味（非沙律醬、蛋黃醬、千島醬），mana就算不是首間但已經出哂名，連旅遊書都有介紹。
幾乎每日lunch都係食salad, mana裝修特別，有原木打造天然原始風味，正正係豚王對面。
先講沙律，細-$78 大-$130細其實唔細，建議一人食既話一定買細，有5款指定已調味沙律選，可揀哂5款or淨一款，如果要食非指定食物就要加錢，$12-$15不等，其實5款指定沙律都好味，現時有kale（羽衣甘藍）, green beans（長邊豆）, chickpea, quinoa（藜麥）同buckwheat,有菜有菜，有蛋白質有蛋白質（chickpea), 仲有好飽肚既藜麥，buckwheat 係一種好有營養，低脂高纖豆類，但香港仲未普及，好多人聞所未聞，呢個就係mana受歡迎之處，非坊間沙律店學到既，提供最新，最健康又難搵既食物，總
之就係自己好難整啦。
如果第一次食mana沙律，我強烈建議加錢買hummus(鷹咀豆泥），hummus而家都好流行，但味道我始終未搵到一間好食過mana,信我，你會上癮。
由於佢每月會轉沙律款式，呢期個幾款其實共並非我最愛，所以今日都係選擇另一招牌食物- Flat (類似wrap).Flat玩法就係可選半條/全條（細食女孩揀半條啦，大食少少就要全條了），材料就你可以揀set好的，亦可以自選4款，比沙律有彈性得多。
我每次其實都係食以下個幾樣中4樣，因為太出色。
1）hummus 2) roasted veggie 3) Spinach 4) haloumi cheese 5) omelette 6) slow dried tomato
個flatbread 加上秘製香料zaatar其實真係無得輸，加埋hummus，好香，如果你鍾情中東風味既，你懂的。
我叫half flat+soup, 湯每日唔同，其實都係lentil (扁豆）、beetroot, tomato, pumpkin ，smoked blackbeans 等等個幾款 質素都幾好，又有營養又飽肚的。唔好以為食沙律一定就係唔肥，低卡。
其實當中可能用上好多olive oil, 又或者superfood本身都係注重營養，例如牛油果，都係營養食物，並非低卡。食mana未必會你令瘦，但會令你得到均衡營養。同低碳飲食。
張貼
