野川拉麵の深燒食堂

營業中

休息中

早幾日去元朗探朋友，夜晚朋友帶我去野川拉麵食飯，這裏主要食日本菜，環境都幾好，人氣都幾旺。脆脆鰻魚串，燒得好靚，魚皮夠乾身，好有脆感，鰻魚夠彈牙，感覺幾新鮮，入口香滑油潤，確實幾好味。蕃薯天婦羅，份量都幾多，又幾大塊，香脆得來不算油膩，蕃薯甘甜，加些天婦羅汁更美味。豚肉泡菜鍋，五花腩片肥瘦相間，幾吸引，泡菜鍋酸酸辣辣，很惹味，腩片吸收了湯汁，減低不少肥膩感，肉質幾爽口。三文肥腩好肥美，厚切特別有口感，肉質鮮嫩油潤，有質素。帶子刺身都不錯，好鮮甜，都好新鮮。A4和牛，燒得幾嫩滑，裏面淡淡粉紅幾，不會太熟，外面有微微焦香，相當惹味。香蒜大茄燒，原條茄子都幾大條，上面鋪滿蒜泥，燒得金黃色幾吸引，蒜泥配茄子好夾，雖然有些油膩，但幾好味。黑糖茲粑，是我喜愛的甜點，炸得好酥脆，裏面的黑糖不太甜，口感豐富，而且一份六件，夠晒滿足。鯊魚特飲，杯邊掛住一條鯊魚，裏面還盛著紅色的糖水，加進特飲，味道頗為獨特，幾解渴。牛角包窩夫配抹茶雪糕，窩夫好香脆，擺盤好靚，見到都想食，雪糕配脆窩夫，可謂一絕，必點甜品。