影片
更多
2019-12-21
1926 瀏覽
晌美孚區想食粥嘅話，大多數都喺落「海皇」，質素穩定，又經濟實惠，唯一唔好就喺冷氣勁大，近乎坐邊個位都喺咁。其次，就喺落「怡園」，感覺唔錯，只喺相對我哋嚟講遠少少。最近，老婆報料話以前晌「曼克頓山」嘅「又一間」執咗，依家變成「一粥麵」，故此，今個星期六專誠行過去食餐早餐。對街一邊嘅算喺正門，而商場嗰邊有另一個入口，而水牌、收銀櫃位都晌呢一邊。新裝修，加上整體格局，比起以前嘅「又一間」真喺好唔同，既闊落，又光猛整潔，更無話排到啲枱櫈密麻麻，以快餐店嚟計，佢哋真喺頗為闊落，感覺非常之好。如大多數快餐店咁，所有食物都晌晒出面水牌，一目了然。雖話佢哋主打賣粥賣麵，但早餐類別中亦有唔少喺西式嘢，照顧到唔同客人嘅需要。人龍長嘅話，無問題，隔離就有兩部自助點餐機，相信大家都唔陌生，因為家下有唔少快餐店都裝咗。落好單，留意住「冧把」等攞嘢。而醬汁、糖鹽及額外餐具，都可以晌出面自由取用。香蔥櫻花蝦腸粉配啡茶 $24碟腸粉賣相又幾靚仔喎，睇得到落咗唔少櫻花蝦，非常足料，所以，食落極有口感，而腸粉嘅質感就唔算拉得好滑，算喺不過不失。但杯奶茶就完全唔得，茶底唔香，無乜茶味，又唔滑。香茜魚粒粥配懷舊糯米雞 $32
對街一邊嘅算喺正門，而商場嗰邊有另一個入口，而水牌、收銀櫃位都晌呢一邊。
新裝修，加上整體格局，比起以前嘅「又一間」真喺好唔同，既闊落，又光猛整潔，更無話排到啲枱櫈密麻麻，以快餐店嚟計，佢哋真喺頗為闊落，感覺非常之好。
如大多數快餐店咁，所有食物都晌晒出面水牌，一目了然。雖話佢哋主打賣粥賣麵，但早餐類別中亦有唔少喺西式嘢，照顧到唔同客人嘅需要。
人龍長嘅話，無問題，隔離就有兩部自助點餐機，相信大家都唔陌生，因為家下有唔少快餐店都裝咗。
落好單，留意住「冧把」等攞嘢。而醬汁、糖鹽及額外餐具，都可以晌出面自由取用。
香蔥櫻花蝦腸粉配啡茶 $24碟腸粉賣相又幾靚仔喎，睇得到落咗唔少櫻花蝦，非常足料，所以，食落極有口感，而腸粉嘅質感就唔算拉得好滑，算喺不過不失。但杯奶茶就完全唔得，茶底唔香，無乜茶味，又唔滑。
香茜魚粒粥配懷舊糯米雞 $32晌水牌已寫明個粥喺細碗裝，所以，都預期唔喺平常咁大碗，不過，碗隻糯米雞就好夠飽肚。個粥底都夠綿香，內裡亦有唔少魚粒，但一食就知喺雪藏貨，爽口而無乜魚味，香茜亦只喺隨意灑幾片，所以，食落個粥唔會有好重嘅芫茜味。
糯米雞又如何呢？份量十足架，劏開一睇，亦好足料，不過，就碎濕濕少少，唔似酒樓嗰啲又有雞件，又有叉燒……之類，似喺大版嘅珍珠雞。味道則調校得唔錯，唯糯米有啲削身，幸而未至於好爛嘅口感。
諗住嚟度舒舒服服食碗靚粥，好就好坐喇，不過，食物嘅水準一一般般咁啦，未至於差，但唔叫得好，期望嚟食好嘢就有啲捉錯用神嘞，哈哈！
張貼
