影片
更多
2015-03-16
314 瀏覽
其實，嚟過依間「翠河」食早餐，不過，嗰次無帶相機，個食評就費事寫，除非好差，反正總有機會再嚟。以早餐而言，晌美孚區咁多間快餐店、茶餐廳嚟講，小弟覺得翠河嘅質素可算中上，值得翻兜嘅食肆。不過，補充多句，午餐嘅水準就飄忽啲，前後嚟過幾次，有好有唔好。今早兩公婆行遠少少過到嚟翠河，都喺想食好少少個早餐。對比起區內其他茶記，以及附近嘅太興，翠河嘅環境喺最好，樓底高，又光猛闊落。早餐一個餐牌A-I共9款前後睇晒，點配點選，乾脆俐落顯示清楚，仲供應到去12:00pm先完，定價為$24-$30，其他店嘅早餐都喺咁上下價錢，至多都喺差幾蚊，所以，翠河都唔算點貴。早餐B $29老婆要米粉，配料選煎蛋、雪菜肉絲及美式蘑菇腸。米粉跟配料都鋪得滿滿，初時仲以為啲美式蘑菇腸喺一條條，原來喺一片片，老婆最欣賞啲雪菜肉絲，因為無過鹹嘅通病，而湯底只喺一般嘅雞湯底，無話好好，亦無話差。早餐I $29小弟嘅意大利蕃茄濃湯薯仔早餐通粉亦可以揀兩款配料，卒之點咗美式蘑菇腸及豬柳漢堡。蕃茄濃湯好濃郁酸香，內有唔少薯仔同蕃茄，豬柳漢堡雖然細塊咗啲，但感覺又唔會得嚿粉咁，清晒成碗喺非常飽肚。蒜香牛油多士由於翠河隔離個鋪位兼做埋麵
今早兩公婆行遠少少過到嚟翠河，都喺想食好少少個早餐。對比起區內其他茶記，以及附近嘅太興，翠河嘅環境喺最好，樓底高，又光猛闊落。
早餐一個餐牌A-I共9款前後睇晒，點配點選，乾脆俐落顯示清楚，仲供應到去12:00pm先完，定價為$24-$30，其他店嘅早餐都喺咁上下價錢，至多都喺差幾蚊，所以，翠河都唔算點貴。
早餐B $29老婆要米粉，配料選煎蛋、雪菜肉絲及美式蘑菇腸。米粉跟配料都鋪得滿滿，初時仲以為啲美式蘑菇腸喺一條條，原來喺一片片，老婆最欣賞啲雪菜肉絲，因為無過鹹嘅通病，而湯底只喺一般嘅雞湯底，無話好好，亦無話差。
上湯米粉配煎蛋、雪菜肉絲及美式蘑菇腸
81 瀏覽
0 讚好
0 留言
小弟嘅意大利蕃茄濃湯薯仔早餐通粉亦可以揀兩款配料，卒之點咗美式蘑菇腸及豬柳漢堡。蕃茄濃湯好濃郁酸香，內有唔少薯仔同蕃茄，豬柳漢堡雖然細塊咗啲，但感覺又唔會得嚿粉咁，清晒成碗喺非常飽肚。
意大利蕃茄濃湯薯仔早餐通粉配美式蘑菇腸及豬柳漢堡
112 瀏覽
1 讚好
0 留言
由於翠河隔離個鋪位兼做埋麵包零售，所以，佢啲包嘅新鮮度絕無懸念。我哋兩個嘅早餐都包半件蒜香牛油多士，厚切嘅多士，除蒜香，亦加咗少少香草，比起次次都牛油餐包或牛油多士點都多少少心思。
蒜香牛油多士
62 瀏覽
1 讚好
0 留言
茶餐廳嘅穩膽選擇都喺揀番熱奶茶，正如之前嘅食評所講，茶底醇香，絲滑幼細，好嘅奶茶只有晌茶記搵到。
食完早餐，又喺順道逛逛街市嘅時候，買啲料煲啖湯俾一家人飲，喺周六常做嘅指定項目。
張貼
