日船章魚小丸子 (已搬遷) 新店位置

講起章魚小丸子，日船我覺得可算是香港嘅元祖級。小時候佢係盛極一時，周圍都有佢嘅鋪頭，連超市入面都會有，可惜宜家已經得返一間分店，宜家行開旺角，我都會買一盒嚟食😂懷念一下。顧名思義叫得做日船，佢個盒係一隻船仔，係佢嘅signature嚟。買完最好即場食，啲小丸子係外脆內軟架😋而每粒入面都有章魚粒🐙仲有椰菜。外層脆卜卜，椰菜又爽口，而章魚粒不會太韌。上面有特別嘅透透地蛋黃醬，有柴魚片，仲有日式芥末醬，可以選擇要唔要嘅。除咗章魚燒，佢有其他嘢賣嘅，好似有冷麵，醉蛋，仲有其他小食，不過我多數都係食小丸子😂唔知你地有無同我一樣嘅童年回憶喇😂😂