麵屋武蔵 (新鴻基中心) (已結業)

最近發現，原來連拉麵都可以叫外賣，就好似日本過江龍麵屋武藏咁，佢地嘅湯底已經出晒名，估唔到外賣返屋企都仲可以好似堂食咁好味😋 今次真係要認真試吓個味道先得❤️我地今次叫咗赤同黑嘅叉燒沾汁麵，湯底濃郁，麵底爽口，叉燒又入味同埋夠晒林！赤汁有少少辣味，啱晒我最鍾意食辣！另外我地仲叫咗牛油蘆筍炒什菌同新出嘅藥膳雞！藥膳雞好滑，仲幾入味添！牛油蘆筍炒什菌雖然係外賣返到嚟屋企，但係食落去一啲都唔油膩。分量十足，兩個人食啱啱好！