尚興潮州海鮮飯店 (已結業)

屋企人一向唔係好鐘意過海食飯，怕人多車多難泊車。。。經過三催四請終於都拉到媽媽唻試下我最愛嘅潮州飯店-尚興其實我自己前前後後已經食過好多次，就係因為好食先要迫屋企人唻食下開心share嘛！次次唻我都係叫呢幾味，每次水準都好穩定，而且以潮州打冷店唻講其實我覺得呢度價錢已經叫好公道。蟹分大細唻定價，mark哂價錢掛哂出唻隨便揀，唔怕俾人劏鹵味入味但唔會過鹹，鵝腸爽口彈牙。鵝肉亦肥瘦均稱，墊底嘅豆腐盡吸精華蠔餅肥美足料香口凍食馬友新鮮啖啖肉兼肉質嫩滑主角當然係凍蟹啦！我最愛大大舊蟹鉗拎住成隻小雞鎚咁咬嘅感覺蟹要夠大隻先有一絲絲嘅質感好彈牙！唔點醋食都夠哂鮮味最後出場就係我覺得全港做得最好味嘅糖醋麵喇店家每人會送綠豆爽糖水的，但我掛住食唔記得左影相就算唻過N次，我都耐唔耐會掛住尚興。。。呢啲係咪叫食上癮？