香港仔茶餐廳 (已結業)

我諗係我唔好彩, 鬼揞眼, 盲舂舂, 入咗呢一間我平時都唔會幫襯嘅餐廳。又更加加唔好彩咁樣, 點咗一樣不知所謂嘅食物。實情係, 我入咗嚟好耐, 睇餐牌睇極都搵唔到一樣自己想食嘅嘢。唔係價錢貴, 就係啲組合太古怪。結果我點咗呢個下午茶餐嘅 <肉燥撈公仔麵>。 開肉臊味道好唔台灣口味, 係似一個上海口味、濃味嘅肉醬, 好濕下, 都幾鹹。 撈在一個仲有少少水(注意: 不是湯, 是水)嘅公仔麵上面。感覺好核突。當麵質又唔好, 淋得好快, 又唔係出前一丁(收咁貴都係普通麵)。 越食越後悔。 唔該唔識做台灣肉燥, 又唔識做撈公仔麵, 就咪做啦。<熱奶茶> 過得去。