豚組 (已結業)

行行下街先發覺家樂坊下面有食肆，咁岩又肚餓，所以落去睇下有咩食啦！原來有間我成日想食都食唔到o既"豚組"，諗都唔諗就走左入去。一坐低睇餐牌就出事，因為樣樣都好想食，搞到唔知食乜好；但係聽D人通常都係叫吉列白豚，就咁order左喇！1.首先放低左一碗芝麻，服務姐姐好有心機慢慢教我點玩，玩完之後就落左豬扒汁；芝麻磨碎之後好香，好期待塊吉列豬比我點汁！2.台上面放有豬扒汁(點吉列豬)、西柚汁(點沙律)、wasabi汁(百搭)！3.吉列白豚到喇！好好味、熱辣辣、外脆內軟，起碼唔會D粉多過肉；點埋之前磨好o既芝麻醬汁..............嘩！好好好好味！4.吉列廣島蠔配叉燒烏冬都黎埋！吉列蠔都幾鮮味，點wasabi汁都幾襯(不過我覺得無乜wasabi味)；呢個餐除左個烏冬仲有一個飯跟埋，都幾難會食得晒另外真係要讚下佢地D service，有禮貌到不得了，搞到我有d唔好意思。佢地連幫你加水都好有禮貌，比起出面好多食肆d禮貌好好多