周記油渣麵 (已結業)

今日到深水埗買電腦，又係要一個毒男四處揾食既時候，深水埗食既選擇有好多，最後都決定簡左食呢間周記油渣麵，點解想食？？細路哥時老豆帶我食過一次，念念不忘！！見呢間大大個招牌打正旗號食油渣麵望望入面又坐無虛席喎，應該都有口埤呱!!入到黎，望望餐牌先啦…好肚餓…除所講既招牌油渣麵，仲有飯，小食同其他麵類可供選擇，但眼看入到黎，99.9%既人都係食豬油渣麵，咁我都將會係其一，咁呢度油渣麵有分大$36同細$30碗，咁揚手叫伙記要碗細嘅，話都無咁快三分鐘左右就送到檯面，細碗size其實都適中ok, 麵條係用粗麵，料都算多，但唔多似我認識既豬油渣囉，我食粉麵有一習慣，會先飲啖湯其實見到色水，都心裡有數，係無味，應該就係煮麵水黎，咁可以落調味料嘅反而呢個要讚，有蔥，魚露，冬菜同菜甫，咁我樣樣都有加，整好晒就開始食啦，麵質普通，無甚特別，入口林林的，到豬油渣………草泥馬！豬油渣？唔香唔脆，林啤啤，像食有皮既肥膏肉咁……而且豬油渣係肥膏炸出黎家嘛…完全顛覆我既豬油渣認知，但唯一令我感覺好食嘅，係個辣菜甫菜甫入面有撈埋雪菜，爽口，而且味道，辣道都足夠，係鹹左啲，可能碗湯無味就係咁原因，拎菜甫吊味，而菜甫令碗