Hungry Lobster (已結業)

我吃過最好吃的龍蝦包店，個個朋友都讃!!!今日有朋友生日，大家在網上參考了很多食評，終於決定到登龍街最新熱店Hungry Lobster這間最火紅嘅龍蝦包店慶祝生日！這裡的Menu雖然唔多，食完之後先至樣樣都係店主心頭好，樣樣精品！通透嘅玻璃，燈火通明，乾淨整齊，舒服！首先order係龍蝦湯，味道好濃郁，食得出真係搵好多好多龍蝦殼慢火熬製而成！然後我們點咗2客肉眼扒，店鋪很用心將五成熟嘅牛扒切粒，好骨致，好有肉味，又冧滑，旁邊還有新鮮嘅沙律菜同薯條伴碟，兩個人食一份都夠嗮食！然後又叫了原隻焗龍蝦，好鮮甜，味道不咸，又彈牙，好正！我們覺得食物太美味，最後又叫了這裡最出名的龍蝦包，係用半隻新鮮波士頓龍蝦，放在好香牛油味的麵包肉，食落啖啖龍蝦肉！最後我哋仲叫咗香氣撲鼻嘅龍蝦意粉，嘩！呢個先係精華所在，龍蝦夠多加上新鮮番茄同龍蝦汁煮成嘅意粉，意粉上面中放上半隻龍蝦，絕對冇欺場，賣相又靚又好食，真係食到林林脷！這間打正旗號做龍蝦包的餐廳，唔單止龍蝦正，其他所有嘅菜式都冇令到我哋失望，大家嗰個捧住個肚出來，每個人都有讚冇彈，價錢仲每人唔使$300，正呀！快啲去試吓啦，樣樣都係精品，冇介紹錯架！