奇趣餅家

營業中

休息中

約咗朋友去旺角食晏，點知佢臨時有事要延遲1個鐘， 於是我就係花園街一帶逛逛， 行過一間舖頭，見人頭湧湧，我就行過去八一八。 原來係間中式餅鋪，鋪面無乜裝修， 但係就擺滿咗各式各款嘅中式餅!呢個時候見阿姐捧住個大焗盤出嚟，原來係紅豆燒餅新鮮出爐，當然要趁新鮮即食啦，阿姐好識sell, 話買夠4個送1個，咁先至20蚊鷄！ 買完我都急急腳返屋企， 帶畀大家試吓！呢個紅豆燒餅好好食，豆沙蓉細滑，唔會太甜 ，餅皮厚薄適中，一啲都唔油膩，屋企個個食完都！