影片
更多
2023-11-13
558 瀏覽
已經第四次幫襯佢哋！佢哋個櫥窗放曬五顏六色嘅戚風蛋糕都幾引人注目👀之前試開迷你戚風蛋糕款，今次成個蛋糕買去慶祝生日🎂▶️ 日本日向夏蜜柑 Japanese mikan ($390)✨新款口味✨第一次食橙味蛋糕面層有好多蜜柑，外層一層忌廉入面係兩層厚戚風蛋糕，中間再夾多層忌廉同蜜柑🍊戚風蛋糕軟綿細緻但有質感唔會太空氣🍰加上有返咁上下濕潤度，唔會好乾身難吞雖然應該靠色素調至水蜜桃色，但微微食得出香橙味，清新得來唔奇怪或假忌廉幼滑輕身🧁奶油味香可惜自己唔好忌廉，略嫌多咗啲🤏🏻上面嘅蜜柑甜甜地，一粒粒果肉，好似罐頭生果咁，令蛋糕冇咁單調可以加$20要朱古力牌，店員會即場幫你寫仲俾埋雪袋同乾冰-佢哋嘅蛋糕層次唔多，唔夠新派蛋糕驚艷，但無可否認戚風蛋糕有水準👍🏻同埋都好睇口味，我自己覺得呢款幾特別佢哋不定期會推出新口味，最近係玫瑰荔枝、泰式奶茶、開心果、香印提子😍梗有一款啱心水一個一磅蛋糕夠6-8個人食最好係有迷你size，大概$65/個，唔係慶祝生日都可以買來當甜品食！
佢哋個櫥窗放曬五顏六色嘅戚風蛋糕都幾引人注目👀
之前試開迷你戚風蛋糕款，今次成個蛋糕買去慶祝生日🎂
▶️ 日本日向夏蜜柑 Japanese mikan ($390)
✨新款口味✨第一次食橙味蛋糕
面層有好多蜜柑，外層一層忌廉
入面係兩層厚戚風蛋糕，中間再夾多層忌廉同蜜柑🍊
戚風蛋糕軟綿細緻但有質感唔會太空氣🍰加上有返咁上下濕潤度，唔會好乾身難吞
雖然應該靠色素調至水蜜桃色，但微微食得出香橙味，清新得來唔奇怪或假
忌廉幼滑輕身🧁奶油味香
可惜自己唔好忌廉，略嫌多咗啲🤏🏻
上面嘅蜜柑甜甜地，一粒粒果肉，好似罐頭生果咁，令蛋糕冇咁單調
可以加$20要朱古力牌，店員會即場幫你寫
仲俾埋雪袋同乾冰
日本日向夏蜜柑
$390
45 瀏覽
0 讚好
0 留言
-
佢哋嘅蛋糕層次唔多，唔夠新派蛋糕驚艷，但無可否認戚風蛋糕有水準👍🏻
同埋都好睇口味，我自己覺得呢款幾特別
佢哋不定期會推出新口味，最近係玫瑰荔枝、泰式奶茶、開心果、香印提子😍梗有一款啱心水
一個一磅蛋糕夠6-8個人食
最好係有迷你size，大概$65/個，唔係慶祝生日都可以買來當甜品食！
張貼
