Le Pain Quotidien (已結業)

約咗人傾嘢，對方揀咗呢間位於利東街嘅Le Pain Quotidien，原來餐廳名係法文嘅‘daily bread’🍞咁解。餐廳位置好方便，由地鐵站A3出口行2分鐘就到，見到一對著唐裝嘅男女雕像就知去啱地方喇。餐廳有分室內同戶外座位，室內亦有賣自家製麵包同甜品。當日天氣非常好，所以我哋揀咗戶外座位，環境舒適，枱與枱之間疏落，同人傾嘢有私隱。👍🏻每張枱上都有QR Code睇menu同落單，但如果要俾cash，就要入返室內cashier落單喇。店內人手的確唔足夠，尤其店員好少顧得到戶外客人，但尚算親切有禮，服務OK。😇☕️Mocha ($42)叫了大size的Mocha，但嚟到份量比我想像中大，竟然係用一個大碗裝~ 朱古力味濃郁，咖啡醇香，入口順滑。🍹Mint Lemonade ($35)酸甜中有陣陣檸檬香味，配埋新鮮薄荷葉，而且糖漿分量恰到好處唔會死甜，味道清新。☘️餐廳環境舒服寧靜，位置方便，好適合同人傾嘢。寫食評時先知原來Le Pain Quotidien係比利時菜，有機會都想試佢哋嘅早餐。🤤