Classified (荷李活道) (已結業)

本人係一個對芝士有要求嘅人，平時都會去citysuper買芝士食。好多人都話呢間嘢好專業，有好好質素嘅芝士，啱啱去完，我完全唔覺囉。去到放芝士嗰間房，我見選擇唔多，都算喇，最令人討厭嘅係，喺一啲有得試食嘅芝士粒竟然發咗毛。最後求其揀咗三隻芝士，送到我張枱時，其中嘅goat cheese竟然硬到好似放咗喺雪櫃10年咁，完全切唔開，佢肯換比我都算。跟住另外嗰兩隻芝士充滿雪櫃味，質素根本連百佳都比唔上，更加唔好同citysuper比。除咗芝士，亦有叫其他食物，個waiter竟然完全比叉我哋食，我叫佢攞啲叉比我哋，佢竟然話，你要鹽呀？咁佢最後都比咗一隻叉我哋，跟住我話，我哋要４隻叉！唔該！！！最後埋單５００幾蚊，完全好似掟咗５００幾蚊落海咁。