旺角咖喱大皇 (已結業)

咖喱大皇出名咖哩嗎?我地六點幾去到, 當時冇咩客人, 侍應好快安排左一張二人枱俾我地餐廳不大, 全木裝修我地點左咖哩肥牛飯, 薄餅, 雜錦拼盤, 咸魚茸炒通菜咖喱肥牛唔香, 用匙羹舀一下, 原來咖喱好稀, 又唔夠濃, 唔夠糊味道淡, 又唔夠香濃, 到底係我地叫錯野食, 定係原本係咁樣?!我忍唔住問侍應, 侍應話"咖哩肥牛, 肥牛會出水, 係咁架啦", 我無言肥牛份量少, 過熟有點韌, 看圖好似有好多肥牛, 事實入面有好多洋蔥粒同調味料係下底!雖然賣相一般, 似清炒通菜, 但獲氣夠, 食落陣陣咸香, 是晚最出色的餸菜!新鮮出爐, 熱騰騰送上枱, 味道簡單討好併盤包括兩串雞肉, 兩串豬肉, 兩件咖喱角, 兩件素春卷所有併盤上的食物都好油, 咖喱角沒有太多咖喱味, 咖喱味淡淡, 只有重重香料味令我諗起中學時, 小食部的咖喱角, 雖然香料欠奉, 但至少食倒又香又濃咖喱風味, 比起咖喱大皇咖喱角更出色!