鳳城酒家 (已結業)

鳳城有好多手工菜都要預訂，打電話問個侍應有咩好推介，佢介紹咗個「龍穿鳳」，今勻又即管試吓，啊！原來係釀雞翼，不過唔係成隻雞翼，只係半隻雞翼，去晒骨，釀咗金華火腿，鹹鹹香香啖啖肉，不過斷件買，仲要成$24件，唔值啫，真係唔多抵食！另外，再問個侍應仲有咩推介，佢話有個「大良炸鮮奶」，但我以前睇過雜誌嘅專訪都介紹過鳳城，有個大良炒鮮奶，唔多覺有大良「炸」鮮奶，又話要訂，諗住要訂就不妨試吓啦，吓！好普通嘅炸鮮奶咋喎，呻多一次笨！成晚係隻炸子雞、窩貼大明蝦同個西米焗布甸OK囉！地方又逼，D枱凳排到密麻麻，人手唔夠，招呼又唔多好，6大2細食成$1,250，果盤都無個送，食完真係覺得好貴！