豐味蒸食

營業中

休息中

一枝公想搵D小食晾下肚先去上堂,但係旺角, 又唔想企係到食小食, 想坐得低抖下,搵搵搵~~終於俾我搵到間, 睇相個賣相好岩我口味既腸粉晶瑩剔透~~鮮蝦雞蛋腸粉好鍾意佢個質感另外仲叫左杯豆漿同鮮蝦豬肉蒸餃聽說佢地既蒸餃係手工自己包,所以好想試下佢!睇個外表就唔係好靚, 但係食落有驚喜呢!!有肉汁!同埋呢個價錢竟然有成隻蝦係入面, 雖然唔係大隻既蝦,但都好滿足!!20幾蚊貨仔, 絕對收貨!呢間鋪係街市入面, 我覺得都幾隱閉要俾D心機搵先搵到佢但估唔到既係, 人流好多, 大家食完起身又有下一枱, 但因為即叫即蒸, 所以都可以KEEP到熱辣辣同新鮮,但變相落單後要等相對耐既時間呢~