影片
更多
2021-01-15
558 瀏覽
我好鍾意呢間嘅手拉麵，食咗一兩年？因為好鍾意去深圳食蘭州拉麵（唔正宗嗰啲，我通常叫蓋澆麵；正宗嘅應該係蘭州牛肉麵，仲要一定係食湯麵）唔再返大陸食嘢，有時真係好掛住手拉麵彈牙既感覺，搵到呢一間。之前成日都去大馬路個間，我通常11:00正就入去，之後呢個時間再去成日見佢拉住閘，原來佢新年之後改咗12點。時間唔再啱先嚟呢一間。酸菜魚有骨，食得好麻煩，同埋有少少腥，之後冇再叫呢個餸。豬大腸只食過一兩次，都係偏硬個種，冇再叫。因為費事同唔肯定佢有冇改善或者改良過，我自己就唔鍾意食硬身嘅豬大腸。之後都叫燕子餃，因為出邊少見，我又少食。之後次次都叫呢個😂。食到啲阿姐認得我，有次佢仲講你次次都叫呢個😅。好尷尬。因為食太多食到悶，後來就改叫雞翼。因為乾炸啲雞翼，好鹹香，又索埋啲湯幾好味。依間係我成日個心會諗住諗住，計埋等車時間可能要個半鐘來回，為咗食一碗麵。有時食厭咗會停一排，但唔厭嗰陣時基本係每個星期去一次。發記有大閘蟹賣既時候去得仲密，（有時會轉下口味食傷心酸辣粉或者川菜）。有蟹拎返去嘅時候就覺得車程更加值得，真心想間野開喺樓下。有時想食呢間嘅麵，但又book咗啲要book好耐嘅餐廳，咁點都要去嗰啲
我好鍾意呢間嘅手拉麵，食咗一兩年？因為好鍾意去深圳食蘭州拉麵（唔正宗嗰啲，我通常叫蓋澆麵；正宗嘅應該係蘭州牛肉麵，仲要一定係食湯麵）唔再返大陸食嘢，有時真係好掛住手拉麵彈牙既感覺，搵到呢一間。之前成日都去大馬路個間，我通常11:00正就入去，之後呢個時間再去成日見佢拉住閘，原來佢新年之後改咗12點。時間唔再啱先嚟呢一間。
酸菜魚有骨，食得好麻煩，同埋有少少腥，之後冇再叫呢個餸。
豬大腸只食過一兩次，都係偏硬個種，冇再叫。因為費事同唔肯定佢有冇改善或者改良過，我自己就唔鍾意食硬身嘅豬大腸。
之後都叫燕子餃，因為出邊少見，我又少食。之後次次都叫呢個😂。食到啲阿姐認得我，有次佢仲講你次次都叫呢個😅。好尷尬。
因為食太多食到悶，後來就改叫雞翼。因為乾炸啲雞翼，好鹹香，又索埋啲湯幾好味。
依間係我成日個心會諗住諗住，計埋等車時間可能要個半鐘來回，為咗食一碗麵。有時食厭咗會停一排，但唔厭嗰陣時基本係每個星期去一次。發記有大閘蟹賣既時候去得仲密，（有時會轉下口味食傷心酸辣粉或者川菜）。有蟹拎返去嘅時候就覺得車程更加值得，真心想間野開喺樓下。
有時想食呢間嘅麵，但又book咗啲要book好耐嘅餐廳，咁點都要去嗰啲餐廳嘅😵。
啲面真係好彈牙，好味。完全係南方唔興食開既麵質。
我自己上網都睇過好多條片，仲買埋篷灰（買咗但係放到過晒期都未郁手😂😂😂）返黎想自己試下，問題係要拉麵，開拉到既麵，舊麵團唔止一兩人分量，同埋咁辛苦咁多步驟，我都係犧牲時間搭車去，再比多50蚊食一碗啦。😅
咁樣係大辣。佢嘅大中細辣好痴線。我自己嚟講，食川菜叫餸一定叫大辣。譚仔三哥就叫糊辣嘅小辣；傷心酸辣粉就叫小辣，口水雞就叫大辣。我大約係咁嘅食辣程度。
呢間野中辣係唔辣嘅，但係大辣有時係辣到痴線。好似正常大辣係100分。呢間嘅中辣係30分（問題應該係五六十分），但係佢嘅大辣可以去到150至200。我就成日辣親，下一次叫中辣，又覺得辣得唔滿足，又再叫大辣咁樣循環落去😂😂😂。
咁叫中辣
有次坐低先話冇手拉麵，反正未喺呢一間食過刀削麵同又唔好意思走，逼住叫佢早餐嘅刀削麵。我真係唔鍾意，咬咗兩啖雞翼同蛋，食咗幾條麵就買單走咗。呢啲真心個人口味，通常去到嗰度我見到幾大嘅比例都係叫刀削麵。
同埋通常我11點就到，佢早餐賣到11:30，都幾多人喺呢間野食港式早餐😂😂😂
同埋呢度嘅嘢，刀削麵同埋手拉麵係儲單咁樣出，有時坐低5分鐘就有，有時坐低，出咗兩次刀削面都未到手拉麵，我出聲追，（扮追下，因為知道佢師傅都係輪流整，只係提下佢）跟住佢就會好唔好意思咁話嚟緊嚟緊㗎啦🤣
我食咁多次，真係知道佢嘅流程。
果次係坐足20 至25分鐘，因為當時可能只有一碗至兩碗嘅手拉麵要等佢整左勁多單既刀削先。（個時爆場又勁多外賣😵）
總之聽到佢喺度拍拍聲，撻緊麵團，基本上5分鐘就上到枱。
大辣
大辣，算無咁癲既程度
辣到癲左既大辣，係辣到頭痛，下次要叫返中辣既程度。係咁片都仲有油😵
中辣，又係唔辣
張貼
