煮打菜打冷小菜館 (已結業)

去筲箕灣搵朋友食飯，朋友介紹話呢間潮州打冷好好食，個名都好得意叫做「煮打菜」。食潮州嘢梗係要叫條潮式凍烏頭😋，例牌鵝片（淨肉），同一份潮式爆花蠔餅🤤，同打冷最緊要配支啤酒🍻。無諗過上菜d食物咁大份😍！條凍烏頭大大條，食落啖啖肉一d腥味都無😋，經鹽醃過令到魚肉好鮮甜美味，但食落又唔會好鹹，味道一流👍🏻。鵝片大大碟都係$88，鵝片啖啖肉，再落左微暖嘅鹵水汁，更添香味👍🏻。鵝片帶有少少肥肉，食落又唔會覺得油膩，豆腐唔會好硬，真係好食夾大件😂。份潮式蠔餅，蛋味香濃，勁多蠔仔而且咬落啖啖肉，一d蠔腥味都無，咬落有d蔥花增加口感，炸得香脆可口，唔似出面食果d咁油「笠笠」同林哂。啤酒用左不鏽鋼杯，可以保持冰凍，好細心👍🏻。下次再嚟筲箕灣，一定要再試埋其他嘢食😆。