四眼佬打冷小廚

營業中

休息中

同老公去葵芳接女兒去食晚飯，點知佢突然有約，我哋唯有在附近搵地方食，行過一間叫四眼佬打冷小廚，門口廚窗掛咗滷水鵝等食物，老公話好耐都冇食過打冷，今晚就同佢食返餐！滷水鵝片加豬紅：做抗疫價好抵食，當然要試吓，滷水鵝有光澤，而且香料的味道平均，突出滷水味又不涸喉。鵝肉軟滑有彈性，非常入味。豬紅入咗味好滑嫩。豆腐火腩大鱔煲：用煲仔熱騰騰上枱，濃濃的醬汁好惹味，大鱔熟度剛剛好，魚肉爽口彈牙。火腩肥瘦適中，豆腐嫩滑。京都骨拼炸大腸：京都骨酸甜醒胃　肉質嫩滑軟腍腍。脆皮炸大腸煙韌，夾雜油香，皮脆肉嫩，香濃鮮美。揚州炒飯：飯炒得粒粒分明又夠鑊氣，材料有蝦仁、紅腸粒、蛋。嘉士伯