影片
更多
2024-10-01
437 瀏覽
🙋🏻♀️早排同朋友仔去咗荃灣行街，到咗lunch time 緊係要四圍搵吓食啦，識我嘅人都知道媽媽我係一個火鍋愛好者（一日三餐食火鍋都唔係問題嘅嗰種🤣），嚟到荃灣就梗係要搵吓荃灣嘅火鍋店啦🤩上網見到呢間【大滾友】好評幾多又係附近，咁就一於食呢間啦，呢間📍位於荃灣嘅【大滾友】裝修充滿宮廷風，環境都幾寬敞舒服，位置仲夠哂闊落添😋上網搵吓有咩野食好介紹，最後就揀咗幾樣大家推介嘅菜式，估唔到每款食物上枱都好有儀式感呀🍈翻雲覆乳·香濃豆乳蜜瓜龍躉雞湯鍋用哈蜜瓜做火鍋湯底，我哋都係第一次食，🍈哈蜜瓜上面放咗三朵豆乳花🌹，下面圍咗一圈龍躉片🐟，一上枱我哋已經係咁打卡📸，估唔到驚喜係後面呀，店員倒湯落去之前問我哋要唔要錄低佢，原來將雞湯倒入去鍋底嘅時候，成個湯底會出現騰雲駕霧嘅煙霧效果，好彩有拍片咋🤩，除咗影相打卡一流之外，呢個湯底嘅味道都好特別㗎，湯底濃郁香甜，🍈哈蜜瓜煲腍咗之後原來別有一番味道，而龍躉片又夠晒滑嫩，一個火鍋湯底已經可以滿足幾個願望呀🥩大滾友牛肉拼盤(細)見到佢哋有好多款唔同嘅牛肉，樣樣都想試吓，但係又驚食唔晒，所以我哋就揀咗佢哋嘅牛肉拼盤，咁就可以樣樣都試吓啦，呢個拼盤入面有晒🐂
🙋🏻♀️早排同朋友仔去咗荃灣行街，到咗lunch time 緊係要四圍搵吓食啦，識我嘅人都知道媽媽我係一個火鍋愛好者（一日三餐食火鍋都唔係問題嘅嗰種🤣），嚟到荃灣就梗係要搵吓荃灣嘅火鍋店啦
🤩上網見到呢間【大滾友】好評幾多又係附近，咁就一於食呢間啦，呢間📍位於荃灣嘅【大滾友】裝修充滿宮廷風，環境都幾寬敞舒服，位置仲夠哂闊落添
😋上網搵吓有咩野食好介紹，最後就揀咗幾樣大家推介嘅菜式，估唔到每款食物上枱都好有儀式感呀
🍈翻雲覆乳·香濃豆乳蜜瓜龍躉雞湯鍋
用哈蜜瓜做火鍋湯底，我哋都係第一次食，🍈哈蜜瓜上面放咗三朵豆乳花🌹，下面圍咗一圈龍躉片🐟，一上枱我哋已經係咁打卡📸，估唔到驚喜係後面呀，店員倒湯落去之前問我哋要唔要錄低佢，原來將雞湯倒入去鍋底嘅時候，成個湯底會出現騰雲駕霧嘅煙霧效果，好彩有拍片咋🤩，除咗影相打卡一流之外，呢個湯底嘅味道都好特別㗎，湯底濃郁香甜，🍈哈蜜瓜煲腍咗之後原來別有一番味道，而龍躉片又夠晒滑嫩，一個火鍋湯底已經可以滿足幾個願望呀
🥩大滾友牛肉拼盤(細)
見到佢哋有好多款唔同嘅牛肉，樣樣都想試吓，但係又驚食唔晒，所以我哋就揀咗佢哋嘅牛肉拼盤，咁就可以樣樣都試吓啦，呢個拼盤入面有晒🐂 頂級安排斯牛小排 +🐂 本地手切牛頸脊 +🐂 澳洲和牛金錢展 +🐂頂級雪花肥牛+🐂牛黃喉+ 🐂牛肉粒+🐂牛舌花，我就最鍾意拼盤入邊嘅牛舌花同埋牛黃喉啦，薄薄嘅牛舌非常煙靭又咬口，而牛黃喉仲好爽脆添
🦑手打鵝肝墨汁墨魚丸（四粒）
爽彈嘅墨汁墨魚丸，一啖咬落去仲有軟滑嘅鵝肝味道，口感好豐富呀
🥓伊比利亞橡果豬
油花豐富嘅橡果豬，肉味帶有獨特嘅榛子香味，口感軟腍又唔燥
🥬大滾友雜菜拼盤
一盤有晒🍅蕃茄/🌽粟米/木耳/萵筍/金菇/紫淮山/🥬生菜/🥬油麥菜/🥬娃娃菜，種類豐富之餘，啱晒我呢個樣樣都想食啲嘅人呀
🥬紫淮山
鮮爽脆口嘅紫淮山唔係周圍都有得食㗎，我哋梗係要叫嚟食吓啦
🍽火焰焦糖豆腐花
用火燒過嘅焦糖脆卜卜之餘仲帶有焦香味，配埋滑嫩嘅豆腐花，口感香甜又清新
張貼
