爆丼屋 (已搬遷) 新店位置

之前因為有咗嘅關係，好耐冇食日本嘢，難得解禁，即刻去食個豐富嘅丼做午餐，好彩唔洗等好耐就有位喇，我同老公被安排到面向牆既高凳坐，對腳短人士來講就坐得唔算好舒服喇。《三文魚火山丼》$148招牌三文魚火山丼嚟到就好似座山咁好吸晴，主要既魚生係角切三文魚同埋碎蔥吞拿魚腩，仲有少量三文魚籽同山葵粒吊味，三文魚肥美新鮮，切得大細剛好有口感，油脂豐富有香味，碎蔥吞拿魚撈埋落飯到，淡淡肉正。《北海豐盛丼》$198同行老公叫左北海豐盛丼，有帶子刺身，兩隻甜蝦，火炙左口魚同海膽，一樣都係少量三文魚籽增加飯既口感，食材比三文魚火山丼昂貴，老公都讚用料新鮮除左海膽麻麻之外。總括$200唔洗有咁多刺身食，除咗坐得唔太舒服都可以一試既。