獅藝館茶座

營業中

休息中

趁住天氣熱梗係要去郊遊下順便餵下蚊🙈🙈今次就嚟到上水接觸大自然，上網見到河上鄉呢度有個好啱打卡嘅獅藝館茶座，室內可以見到好多舞獅有關嘅物品🦁而室外就係一個農莊feel環境，門口有民族風同London電話亭嘅打卡位、室外座位同木鞦韆，仲有個area養咗四隻好可愛嘅🐑🐑添！雖然叫茶座但食物唔馬虎，有好多主食同小食。Weekend比較爆場，記得預早係佢哋社交平台 dm 留位就可以唔使排隊等。不過因為人多所以食物需要等耐少少。河上鄉馳名餐蛋麵茶記必有嘅餐蛋麵，呢度就花多啲心機，超超超級厚切嘅午餐肉🤩🤩（仲厚過超市午餐肉罐頭🤣）入面包住流心蛋，賣相好壯觀，可以揀辣定唔辣，麵條質感啱啱好，辣度不低食落幾刺激🌶山長水遠嚟到，食到呢個comfort food其實都幾滿足架。芝士雞肉漢堡咖哩飯呢度嘅日式咖哩飯都係心機之作，咖喱帶微微辣味，啱返香港人口味，飯粒軟熟，漢堡扒非常厚身，質感腍滑，咬開有驚喜！係滿滿流心芝士仲好香芝士味😋😋流心牛角包同平時嘅牛角包好唔同，呢個質感唔係酥香好多牛油個種，反而係好香脆，入面嘅吉士餡料帶橙黃色，食落好似奶皇包嘅味😍味道香甜唔會死甜，估唔到又幾好食。酸尾尾檸檬冰茶一大壺冰