ZERO (已結業)

去咗試新野，朋友約食飯，梗係去啲比較寧靜又傾到計嘅地方本來諗住去朗豪坊13樓，不過嗰邊有啲嘈，所以落咗半層(朗豪坊商場設計)去到呢一間餐廳門口望入去都算幾靚，睇Menu，原來係意大利餐廳！有啲好奇，所以同朋友試一試~ 我哋經過幾張枱，見到幾枱都係有摩天輪所以一坐底就叫我坐摩天輪，好啱打卡用 因為兩個女仔，所以食得唔係好多，所以我哋另外叫咗意粉就算！位置環境好大，坐得好舒服，兩個人都會有位擺袋，可能人唔係咁多~等咗大概20分鐘，就有得食~ 摩天輪裏邊有五款嘢食，包括：雞翼，炸薯球，芝士肉丸，魷魚同埋麵包我自己覺得本身個摩天輪幾特別，但係食物就還好，佢嘅醬料有黑松露，沙律等算好味，最好食係肉丸同雞翼，其他都一般，尤其係麵包，比較硬身，食咗一啖都冇食！但係肉丸芝士味幾重，又唔會好乾身，所以好唔錯！雞翼就有蜜糖味另外，我哋叫咗香蒜蜆肉意粉(唔係好記得全名係咩🤣😛) 我覺得意粉反而好食過摩天輪，意粉煮得啱啱好，唔會太硬 啲蜆肉好好味，我唔鍾意食海鮮，都覺得好入味，同埋都好清，因為佢唔係小炒，所以感覺唔似有鑊氣嘅煮法，係清新嘅感覺~整體來講，比較一般，我覺得唔算正宗意大利菜