Mamaday Studio (已結業)

Mamaday-夏天冇得去行山就上網搵咗呢間Cafe，呢間Cafe嘅賣點係有好多打卡位🥰有三層高，亦都係間黃店😏-知道cafe剩係得cake同埋咖啡,所以同朋友食咗個越南河再行過嚟。一到cafe望到個門面就知自己冇黎錯喇！嗱嗱臨上去搵咗位先，咁岩撞到一台人走就即刻霸左個靚位！-個人覺得佢嘅咖啡(mocha and salted caramel)一般同偏甜，但侍應嘅服務態度好好買完杯咖啡都有同你傾一兩句，睇得出新開好有熱誠做嘢。嗌完咖啡之後諗住再嗌蛋糕，結果發現已經賣晒啦！所以如果想食蛋糕嘅人見到就好嗌！-坐低飲完咖啡影咗幾張相就拎住杯咖啡行勻三層高嘅唐樓打卡啦🥰記得上到最高個貓籠裏面有兩隻貓BB！探佢嘅時候咁啱瞓着咗啊！