CURATOR Art & Café (已結業)

跟閨密搵食除了味道要求，更重要是打到卡和食物外觀要吸睛。呢到就絕對唔會失望。一坐低，已經會問定客人要唔要打印在咖啡面，可send定圖比佢地，我地就反而想要佢地嘅主題公仔，始終是signature 麻。今次我揀左朱古力做底，真心好香濃幼滑，絕對唔係hea貨，而且唔會好甜。小食方面我地要左明太子全雞翼，入面除了明太子仲有紅糯米，口感一流，微微辣，開胃又唔過火。主食我和朋友各自揀左長通粉和多士。長通粉軟硬適中，好有彈性同時個醬汁掛得住，條條都有好香滑嘅蛋黃醬。朋友嘅多士，她說十分有蛋香味，而且煙肉不會太肥，食到咸香腩肉，配上厚肥法包多士，早餐午餐都啱食👍👍👍