翠樂庭餐廳

營業中

休息中

迪士尼翠樂庭餐廳，係經典小朋友慶祝生日的好地方，環境的確十分優美典雅，佈置好有歐陸氣氛，令大人細路都覺得好特別，好似離開咗香港去咗外國旅行咁，加埋有迪士尼朋友出現，我哋嗰日好好彩、有米奇米妮高飛狗，而且出嚟唔止一次，總共行咗四五個圈，基本上一定影到相，其實係影到你唔影都得；不過，食物就比以前差，款式唔夠多，質素亦都唔係好，如果食肉獸更加覺得唔夠肉類供應，特色食物好少，其中一樣係燒鵪鶉，味道都算幾好，另外好味嘅有帶子刺身，但係好快就食完，唔再供應，令人失望，所以供應量如果可以增加，就會更好；甜品方面，味道好一般，設計亦都唔多特色，如果有多啲真係迪士尼人物造型嘅甜品，而唔係單單插個公仔牌喺一件普通蛋糕上面，就會更有吸引力。值得一讚嘅係，每枱問題都有一個海鮮盤，係帶子、蟹、蝦等等嘅海鮮熟食，都幾好味。