Starò

營業中

休息中

上星期為慶祝朋友生日揀左呢間打卡餐廳.餐廳環境舒服. 好多打卡位.而枱之間都唔會太逼.好適合朋友情侶傾吓偈飲杯野🥂只係門口唔通風等位時有啲焗🥵🍾意式白酒香茜煮鮮蜆伴香草麵包條感覺到蜆係新鮮嘅食材，但可能掛住打卡擺耐咗令個汁有少少腥，白酒味唔算重，而手工麵包條就係少少煙靭口感。🍅傳統意式肉醬手工千層麵 千層麵個醬好濃郁，麵底質感唔錯唔會太厚身，每層醬同麵搭配剛剛好，連怕酸唔太喜愛蕃茄醬嘅我都覺得可以Encore👍🏻🥩18小時慢煮美國安格斯牛小排伴法式薯蓉上碟時已經切好，擺盤精緻，牛小排經過18小時慢煮肉質粉嫩，熟度剛剛好，伴碟嘅法式手工薯蓉亦香滑軟綿。🎂星座蛋糕 （需預約）內餡係Chocolate & Mixed berries mousse，朱古力有啲甜，有berries中和返比較易入口，細細個兩個人食剛剛好。另加一杯 Mojito同白酒，埋單9折後$9XX。