ATUM Restaurant (已結業)

上上下網睇到佢八月尾休業，即刻衝嚟寫返個道別食評。上次平日17:30 high tea無乜其他食客，成個場得兩台，今次明顯多返人，可能大家都嚟say bye bye🥹人手一如既往好足夠，服務依然好，侍應好友善，所有野食上台都有簡單介紹一下。不過窗邊位坐落同隔離台有啲近，幾乎可以一齊傾計，拎住大袋出入唔方便。講返正題，藝術餐廳，野食、餐具當然都好靚。餐包配黑胡椒牛油海鮮拼盤二人size最出色係愛爾蘭生蠔，新鮮爽口，配白酒啫喱同水果雪葩，味道好夾。蟶子、帶子、魚子、三文魚、鵝肝，合格有餘。醬料都好用心，乳酪汁有唔同味，橄欖油粉簡直係錦上添花，但蝦就唔太新鮮，蝦味唔出，口感有少少霉，蟹肉亦都普通。鹹蛋黃萵筍蟹肉特飛麵最令我驚喜係呢個意粉，特飛麵係香港唔算常見，我每次搵餐廳都要睇睇有無。特飛麵口感比較彈牙煙韌，表面比較粗糙所以好掛汁。意粉睇落細份但實心，醬汁濃稠，兩個人食都夠飽。略嫌鹹蛋黃味唔夠出，同埋真係太杰。65%朱古力奶奶味唔出，偏甜，不過不失。竹炭朱古力雪糕朱古力味好濃，但份量好細，唔夠兩個人食，配料麻麻。