Cup Of... (已結業)

路德圍小食店、茶飲店林立，要突圍而出吸引客人就要有特別嘅優惠。我同朋友睇戲之前想買杯野飲，見到cup of...鋪面細細，裝修得幾靚，學生仲可以減$3。茶飲有好多選擇，我叫咗一杯桃桃more more茶$30-$3，仲免費送一份椰果。我叫咗少冰少甜，但結果出到嚟真係有啲失望。杯桃茶太甜，好似飲緊糖漿加水，冇乜茶味，只得少少人工桃味，椰果都係超級甜，底部好似全部都係糖漿咁。雖然個杯嘅圖案係胡桃夾子好靚，但我都係飲唔落杯桃茶，結果要放棄佢。