Ocio オシオ (已結業)

🍈奧斯蜜瓜雪山熱香餅 ➰ $108一上菜見到呢個雪山🏔️咁壯觀嘅甜品好驚喜，雖然menu寫圖片只供參考，但係實物真係有咁靚。通常食水果嘅甜品都係得幾粒生果，呢度有半個蜜瓜，蜜瓜多汁又甜，甜得嚟唔係加咗糖水嗰種死甜。上面有鬆軟嘅熱香餅同蜜糖星星，下面有啲蜜瓜啫喱。而蜜瓜底有少量黃豆粉，防止蜜瓜跣走，好貼心。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️☕️鑊仔伯爵茶雪山熱香餅 ➰ $89有鑊仔keep住伯爵茶漿嘅溫度，熱嘅伯爵茶漿，再加冰🧊嘅雲呢拿雪糕，冰火口感好特別。熱香餅吸收咗伯爵茶嘅味道，伯爵茶同熱香餅都好夾。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️🍫🧇朱古力布朗尼窩夫 ➰ $78濃濃朱古力嘅甜品。朱古力窩夫外脆內軟，布朗尼入面有啲核桃增加口感，仲有一球插咗蝴蝶嘅朱古力雪糕，啖啖多巴胺，真係好幸福同滿足。〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️ 〰️總括而言，對於螞蟻人嚟講呢度係帶嚟幸福嘅地方，甜品嘅選擇多，望住成枱賣相冇得輸嘅甜品真係好開心。職員們有禮貌，餐廳環境舒服，樓底高冇壓迫感。特別鍾意牆上面嘅壁畫，好可愛。〰️ 〰️ 〰️ 〰️ 〰️ 〰️ 〰️